Abantu 2 bateirwe amasasi baafa omu kutaahirirwa omuri Kaabong

Abantu 2 bateirwe amasasi baafa omu kutaahirirwa omuri Kaabong

N’ebya Olandason Wanyama

Abantu 2 bateirwe amasasi bafeeraho omu kutaahirirwa kw’abanyambundu ahanguuto eya Kotido-Kaabong.

Okutaahirirwa oku kubeire aha kampu ya Moruitit omuri Longaro, omugomborora ya Sidok omu tauni ya Kotido omu disiturikiti ya Kaabong.

Pooriisi negira ngu abanyambundu aba babaasa kuba bari abarwani ba Dodoth.

Ekihandiiko kuruga omu pooriisi nikyoreka ngu abaitsirwe ni Daniel Owana, omutuura w’ekyaro ekya Naligoi omu tauni kanso eya Kaabong hamwe na Ojapis, orikutuura omukyaro ekya Kotome omuri Kaabong.

Ababiri aba nibagambwa kuba nibaza Kaabong nikwo kwemereziibwa abanyambundu ababatweire omu kishaka bakabajura bakaheeza bakabateera amasasi bakabaita.

Emibiri yaabo na piki ya Bajaj boxer namba UFG 996P n’eshuka bishangirweho pooriisi haihi n’omwanya ahi ekikorwa eki kibereire.

Pooriisi eriyo nehiiga abanyambundu aba obwo okucondooza kurikugumizamu.

#WestUpdates