Eitendekyero ry’eby’emikono ritweirwe omuyaga

Eitendekyero ry’eby’emikono ritweirwe omuyaga

N’ebya Timothy Mushabe

Ibanda:

Eby’okushoma ah’eitendekyero ery’eby’emikono erya gavumenti erya St. Kizito Technical School omuri Mabonwa, Rukiri omu disiturikiti ya Ibanda kwayemerera bwanyima y’enjura y’eihunga esiisire ebyombeko.

Enjura egi egwire aha Sunday etwaire ‘workshop’, oburaaro bw’abeegi n’ebindi.

Eitendekyero ry’eby’emikono omuri Ibanda ritweirwe omuyaga...(Photo by Timothy Mushabe)

Ambrose Nareba, Principal w’eitendekyero eri yaagira ngu abeegi tibarikushoma ahabw’okuba obwahati nibaraara omu bibiina.

Ogu hoona naagira ngu eki kibaasa kuteganisa abeegi abariyo nibeteekateekyera ebigyezo bya UBTEB okwezi okurikwija, obwo arikushaba gavumenti kubaha obuhwezi.

Eihunga rigarukire ryacwekyereza entokye z'abatuura...(Photo by Timothy Mushabe)

Mukuru w’eby’obwegyese omu disiturikiti ya Ibanda, Peter Nsimiire yaagira ngu ariyo nagambaho n’abukirikukwataho kureeba ngu abeegi bashoma.

Omuny’eishengyero wa Ibanda South, John Paul Ninkusiima yaahika ah’eishomero eri kandi yaragaanisa okutwara enshonga egi omu ofiisi y’enganzi y’eihanga.

Ebyaro ebiteganisiibwe harimu Kogabi, Vertican na Omukitokye...(Photo by Timothy Mushabe)

Beitu hoona eihunga eri risiisire entokye n’amaju g’abantu omubyaro ebya Kogabi, Vertican na Omukitokye.

#WestUpdates