Abarikujunaanwa okwita Nagirinya bacwerwa ogw’okukomwa amagara gaabo

Abarikujunaanwa okwita Nagirinya bacwerwa ogw’okukomwa amagara gaabo

N’ebya Farooq Kasule

Kampala:

Coporiyamu Kasolo aka Arsenal na Johnson Lubega aka Etoo aka Manomano bacwerwa ogw’okukomwa amagara gaabo ahabw’okwita Maria Nagirinya n’omuvugi we Ronald Kitayimbwa.

Omuramuzi wa kooti enkuru, Isaac Muwata yahayo encwamu ye eriizooba bwanyima y’okubasingisa emishango y’okubuzaho n’ekigyendererwa ky’okwita, obwitsi n’obushuma.

Beitu hoona abu barikujunanwa nabo abarimu Hassan Kisekka aka Masadda, Nasif Kalyango aka Muwonge na Sharif Mpanga aka Shafiq baheebwa emyaka 30 omu kihome ahabw’okuba bakabahweraho kuhikiriiza ebikorwa ebi.

Aharubaju orundi, Sadat Kateregga aka Baros yeihwaho emishango egi bwanyima y’orubaju oruhababi kuburwa obujurizi bw’okumujunaana.

Nagirinya akaitwa n’omuvugi we Kitayimbwa ahabiro 28/8/2019.

Emibiri yaabo ekazoorwa pooriisi omukisharara  omugomborora ya Nama omu disiturikiti ya Mukono ahabiro 30/8/2019.

Omu bwire obu aitirwamu, akaba nakoora n’ekitongore kitari kya gavumenti ekya Community Integrated Development Initiative.

Orubaju oruhababi nirugira ngu ekikoosi eki n’abandi aba ahari Nabisasilo zone, ou divijooni ya Rubaga, bakabuzaho Nagirinya na Kitayimbwa nikwo kuheeza bakabaita.

Ah’eizooba niryo rimwe, aba bakaiba esiimu ya Kitayimbwa na shiringi 24,000 kandi bakatwara na shiringi 260,000 za Nagirinya n’emotoka ye eya Toyota Spacio, eyashangirwe Nateete.

#WestUpdates