Abeebembezi ba Lira beinamiire Meeya wa West Divijoni.

N’ebya Joseph Ekol

LIRA CITY

Abeebembezi aha ndengo zitari zimwe beinamiire meeya wa Lira City West Divijoni, Mike Ogwal Aconga. 

Aconga akafa aha Sande y’ebiro 15/10/2023, arikwitwa endwara y’ekookoro ah’eirwariro ry’ekookoro erya Mulago Cancer Institute omuri Kampala.

Omuny’ishengyero owa Lira City West Divijoni, Vincent Obong Eyit, agambire ahari Aconga nk’omuntu obaire nakunda kurondera ekigombe kya UPC obushagiki kandi osigire eiziina.

Omuny’ishengyero Obong agizire ngu omu eishaza rye ryonka, Aconga akoziremu ebintu bingi by’entunguuka na munonga omu kereziya nk’eya St. Jude Catholic Church oteireho n’okuhindura aha miturire y’abantu baingi.

Purezidenti w’ekigombe ekya UPC, Jimmy Akena Obote, agizire ngu kuri yabaire atari Aconga, bakaba batarikuza kutunga omuntu kwesimba omu karuuru k’okugarukamu kutoorana omuny’ishengyero wa Oyam South ahi Issa Oto Amiza yahendiire agiire omu Paramenti.

Abeebembezi abarimu Purezidenti Yoweri Museveni basindikire obutumwa bw’okusaasira aharwakataano aha mukoro gw’okuziika Aconga ogwetabirweho abaziiki baingi omuri Aler omu Lira City East Divijoni.

Efaakazi Elizabeth (2nd Left) hamwe n'abaana barikuta ekimuri aha shaduukye ya Meeya wa Lira City West Division. Laying Wreath On The Casket Of Lira West Mayor Ogwal Aconga

Minisita w’eby’amagara, Dr. Jane Aceng Ocero, obaire ari omuziiki mukuru ahaireyo amaziika ga Purezidenti Museveni aga shiringi miriyooni 10 kushagika aba famire y’omugyenzi.

Aceng, nabwo ori omuny’ishengyero-kazi w’ekicweka eki agizire ngu Purezidenti Museveni asaasire munonga ahabw’okufeerwa Aconga obaire ari empagi y’amaani omu by’obutegyeki omu rurembo orwa Lira.

#WestUpdates