Kyaterekera etwaire ekikopo kya Byarugaba Women Christmas Tournament

N’ebya Thomas Tumwebaze, KAGADI
Abebembezi ba MK Movement omu kyanga kya Bunyoro hamwe na n’ekyanga kya Burengyerwa-izooba basiimire eminyeto ahabw’okwejumbira omukutunguura etaranta zaabo barikurabira omuby’emizaano.
Aba babeire bakuriire emipiira ey’akamariirizo omukikopo ekya Byarugaba Christmas Women Tournament aha kishaayi ekya Rugashari Town council, Buyaga West omu disiturikiti ya Kagadi.
Empaka ezi nizo zibandiize okubaho omu disiturikiti ya Kagadi.
Balaam Barugahara, omuhwezi wa mukuru wa MK Movement ahabwa Burengyerwa-izooba kandi obaire ari omugyenyi mukuru aha mipiira eya kamaririzo omu kikopo ky’abakyara ekya Christmas ebaire etebeekanisiibwe James Byarugaba orikukurira ekitongore kya Youth Alive Uganda, asiimire abantu ba Rugashari ahabw’okukunda purezidenti Museveni hamwe na Gen. Muhoozi Kainerugaba.
Balaam ashabire eminyeto hamwe n’abakyaara okuza omu ntekateka za gavumenti nikwo babaase kwetunguura kandi beyongyere okushagika gavumenti n’okutunga obuheereza burungi.
Balaam ayongyeire yaashaba eminyeeto okwerinda akakooko ka siriimu kandi yaabashaba okuguma barikukozesa obupiira nikwo gavumenti ensya ensya yaaza kwija eshangye bari abahuriire.
We James Byarugaba, asiimire eminyeto ahabw’okukunda eby’eminyeto kandi yaaraganisa okugumizamu okutaho empaka ezi ngu eminyeeto etunguure entaranta zaabo.
Byarugaba ayongyeire yasiima abarikukurira eby’emizaano aha disiturikiti ya Kagadi ahabw’okworeka obukugu n’okutunguura emizaano.

Omupiira gw’abakazi ahi gugyereire kuhwa, Kyeterekera Town Council eteire Mpeefu eya Sande Town Council goora 2 ahari 0.
Omusinguzi atwaire ekikopo, emidaari hamwe na shiringi 2,000,000, owakabiri yatwara emidaari hamwe na shiringi 1,500,000 n’ekicweka. Owakashatu shiringi 1,000,000 kandi owakana shiringi 500,000
#WestSports