Embundu ya Pooriisi eyayibirwe omu Uganda eshangirwe Kenya.

N’ebya Faustine Odeke  

Ebitongore by’okwerinda omuri Kenya byazoora embundu y’ekika kya AK-47 ey’ekitongore kya Pooriisi ya Uganda. 

Embundu egi negambwa kuba yaakoresiibwe omu bushuma  ahansharo ya Kenya na Uganda.

Embundu egi eya namba UG POL 861314-09446 erimu amasasi 30 ekiibwa ahari James Onyapidi abashuma abataramanyirwe abamutaahiriire n’omuhoro bakamutema bakamusiga niguhaa eitaka omwaka oguhwaire.

Eki kikabaho ebiro 12/07/2023 omu kyaro ekya Agururu A omu Munisiparite ya Tororo obu abainazi aba bamutaahirira bakamutema bakiheza bakaburaho.

Orikukora nk’omugambirizi wa Pooriisi ahabw’ekyanga ekya Bukedi South, James Mugwe yaagira ngu atungire esimu kuruga ow’omuduumizi wa Pooriisi ahabw’ekyanga eki,Julius Ceaser Tusingwire.

Naagira ngu Pooriisi ya Kenya ababaire nibahiiga abashuma bazoora embundu eyaaba eri omu motoka enagirweho ei abashuma babaire nibakoresa. Mugwe naagira ngu embundu egi bagitwara aha kitebe kikuru kya Pooriisi ya Kenya omuri Nairobi kugishwijuma.

Nayongyeraho ngu nabwo bagambaho n’ekitongore ekya Interpol na External Security Organisation kukuratiriza enshonga y’embundu egi.

#WestUpdates