Ibanda bari ahabuzoora-maisho ahabw’ejwa na kooto

Timothy Mushabe

Disturikiti y’ibanda n’emwe ahari disiturikiti eziri ahabuzoora-maisho bwanyima y’okutaahirirwa endwara ya kooto hamwe n’ejwa omurundi gumwe kandi abantu bana baahamibwa okuba baziikirwe ahabw’endwara ya Kooto.

Okurugiirira ahamushaho w’amatungo ahabwa disturikiti ey’Ibanda, Hillary Arinaitwe, aba babaasa kuba nibarengamu ahabw’okugira ngu abaingi nibafa batagiire mumarwariro kandi nabwo naagira ngu ente hamwe n’embuzi zirikuhika 20 nazo zaaherize kufa ahabwa kooto.

Endwara eya kooto yo, ekabarukaho omudisturikiti egi omwaka oguhweire kandi negambwa okuba yatandikiire ahangamiya eyabaire eri omumworeko kandi eyi abantu baariire bwanyima y’okufa.

Bwo oburwaire obw’ejwa nabwo buteire disturikiti egi omumbeera mbi obwo ente 60 ziri ahakuragurirwa.

Eki kyagyemesereza abebembezi okubuganaho abariisa n’ababaagi orukiiko orwatandikira omu Munisiparite y’Ibanda okuronda omubazi.

Omurukiiko orwakorwa, haabaho okusherura obukiiko okuruga omubabaagi n’abariisa okureba ngu barwanisa endwara ezi ebiri.

#WestUpdates