Omukoro gw’omwaka musya gw’ebiragiro gwatandika- Kampala.

N’ebya Farool Kasule

Emikoro y’okwiguraho omwaka musya gw’ebiragiro (New Law Year) gwatandika aha mbuga za kooti enkuru omuri Kampala.

Ba Puriisa batari bamwe abarimu na Purezidenti w’ekigombe ekya Uganda Law Society, Bernard Oundo baherize kuhika aha mukoro ogu.

Bamwe aha banya-biragiro abahika aha mukoro gw'omwaka musya gw'ebiragiro aha mbuga za kooti enkuru omuri Kampala.

Omukoro niguza kutandika n’okutambura kandi na bwanyima Ishabaramuzi Alfonse Owiny-Dollo, Attorney General Kiryowa Kiwanuka na Minisita w’ebiragiro Nobert Mao nibeija kuhayo obutumwa bwabo.

Ishabaramuzi Alfonse Owiny Dollo arikwakiira Omuhwezi wa Purezidenti Rtd. Maj. Jessica Alupo aha mukoro gw'omwaka musya gw'ebiragiro aha mbuga za kooti enkuru omuri Kampala aharwakataano.

New Law Year n’omukoro ogurikubaho buri mwaka ahi ekitongore ky’oburamuzi kirikworeka okukizire nikikoramu emirimo yakyo emyaka ey’enyima, ebizibu ezi kiine hamwe n’ebi kigyenderiire kukoraho omu mwaka omusya ogw’ebiragiro.

Ba Puriisa ahansi y’ekigombe ekya Uganda Law Society nyomwebazyo bacwiremu kuzira omukoro gw’omwaka musya gw’ebiragiro ahabwa 2024 ahabw’ekibetsire kooti kubura kuta ekitinisa omu rukiiko rw’ekitongore ky’oburamuzi.

Bamwe aha banya-biragiro abahika aha mukoro gw'omwaka musya gw'ebiragiro aha mbuga za kooti enkuru omuri Kampala.

Eki kizireho bwanyima y’ebiro bikye, Omuramuzi Musa Ssekaana owa kooti enkuru eya Civil Division kushohoza ekihandiko kirikwemereza bamemba b’ekigombe ekya Uganda Law Society kutaho orukiiko ahabiro 06/02/2024 kuganiira aha nshonga zaabo.

Ekiragiro kya Ssekaana kizireho bwanyima y’ekihandiiko ekihairweyo Brian Kirima omu kooti.

#WestUpates