Gavumenti egabire passports zirikurenga miriyooni 1.3 kuruga 2018.

N’ebya Godfrey Kigobero 

Gavumenti ebaasize kugaba za Passports eza buraijo zirikurenga miriyooni 1.3 aha banya-Uganda kuruga omu mwaka gwa 2018.

Za Passports 2,700 nizo zigaabiirwe ba ‘Diplomats’ kandi passports 18,000 nazo zihairwe abakuru omu gavumenti omu bwire nibwo bumwe.

Omugambirizi wa Minisiture y’enshonga z’omunda, Simon Mundeyi agambire ebi omu rukiiiko rw’eby’okwerinda orwamakwatane aha kitebe kikuru kya Pooriisi omuri Naguru, Kampala aharw’okubanza ebiro 12/02/2024.

Okurugiirira ahari Mundeyi, endwara ya COVID-19 etakabarukireho, bakaba baheereza Passports 3,000 buriizooba beitu obwa hati nibagaba 1,000 zonka omu eizooba.

Nashaba abanya-Uganda okugumizamu nibahandiika barikushaba Passports.

Omurukiiko oru, Mundeyo agizire ngu abakozi boona ab’omu kitongore ekirikujunanizibwa aha nshonga z’obufuruki baragiirwe okuta amaziina gaabo aha unifoomu zaabo ezirikwera n’akinyatsi n’ekigyendererwa ky’okurwanisa obushomankuzi hamwe n’abafere abarikukira kweyeta ekibatari.

Okurugiirira ahari Mundeyi, ofiisi erikukora ahanshonga z’abafuruki teine agenti weena omu mwanya ogundi okwihaho ofiisi zaabo ezaateirweho omuri Mbarara, Kampala, Mbale, Arua, Jinja na Gulu.

#WestUpdates