Pooriisi nehiiga abaitsire mukuru w’eishomero erya Mwiri P/S

Pooriisi nehiiga abaitsire mukuru w’eishomero erya Mwiri P/S

N’ebya Jackie Nambogga

Pooriisi omuri Jinja eriyo nehiiga abainazi abaitsire owabaireho mukuru w’eishomero erya Mwiri Primary, Alexander Isabirye obu abaire naza kushaba.

James Mubi, omugambirizi wa pooriisi eya Kiira naagira ngu Isabirye, omutuura w’ekyaro ekya Nakanyonyi omuri Jinja City Northern Division ataahiriirwe abainazi ababaire bari aha piki nk’ahari shaaha 12 z’akasheeshe k’Orwakataano obu abaire naza ahakanisa eya Miracle Centre Church kushaba.

Abainazi aba babuzireho n’enshaho ya Isabirye ebaire erimu Baiburi n’esimu kubaherize baaginaga ah’eishomero erya St. Florence SS ahanguuto eya Katende omukyaro nikyo kimwe.

Okucondooza omumushango ogu nikugumizamu.

#WestUpdates