Kanso ya Bushenyi kwinamira owabaireho Sipiika wa disiturikiti

Kanso ya Bushenyi kwinamira owabaireho Sipiika wa disiturikiti

N’ebya Bruno Mugizi

Obutumwa bw’okusaasirwa nibweyongyera bwanyima y’okufa kw’owabaireho Sipiika wa disiturikiti ya Bushenyi, Emmanuel Karasi akasheeshe aka.

Karasi, 58, yaafa akasheeshe k’eriizooba ah’eirwariro erya Mbarara Regional Referral ahi abaire naragurirwa. Nagambwa kuba atwire arwaire Shukari na Meningitis.

Ogu akeebemberaho Central division omu kanso ya disiturikiti kwiha 2011-2016, obu atooranwa kuba Sipiika wa disiturikiti ya Bushenyi.

Hoona akasingwa Richard Byaruhanga omu primaries z’akaruuru ka NRM ahantebe ya Meeya wa munisiparite wa Bushenyi-Ishaka.

Owabeireho Omuny’eishengyerokazi wa disiturikiti ya Bushenyi, Mary Karooro Okurut yaagamba ahari Karasi nk’obaire ari omukozi w’omutaano wa gavumenti obaire nayebembezi okutunguura disiturikiti.

Jaffari Bassajjabalaba, Ceeyamaani w’entebe yakataano ahabwa Bushenyi yaagira ngu kanso neija kugiraho okushutama kw’omutaano kwinamira Karasi.

#WestUpdates