Ekitongore ky’oburamuzi kiteireho entebeekanisa y’okukora ahamishango y’amabanja.

N’ebya Anita Matsika 

KISORO

Puroguraamu y’okukora aha mishango y’amabanja (Small Claims Procedure) omu bwire etandiikire aha kooti ya Kyanika n’eya Bunagana omu disiturikiti ya Kisoro.

Samuel Emokor, Omuramuzi wa Kabale niwe abaire akuriire omukoro gw’okwiguraho puroguraamu egi oguhikirweho abaramuzi batari bamwe, RDC wa Kisoro, Hajij Badru Ssebyala, ceeyamaani w’entebe ya disiturikiti ya Kisoro, Abel Bizimana, n’abandi beebembezi n’abantu baburaijo.

Abarikuza kuba beebembiire ehururu ni tiimu y’abakuru kuruga omu ‘Small Claims Procedure Registry’ beebembiirwe Mastula Mulondo, omuhwezi w’omuhandiiki omuri za kooti.

RDC Ssebyala asiimire ekitongore ky’oburamuzi ahabw’okuta omunkora Manifesto ya Purezidenti n’okuhabura abeebembezi b’omu kicweka eki kutwara obwire bakashoma gye entebeekanisa egi bakakyetegyereza. Abahabwire okujanjaaza entebeekanisa ey’okukora aha mishango y’amabanja omu byanga byabo.

Ekitongore ky’oburamuzi kiteireho entebeekanisa y’okukora ahamishango y’amabanja.

Omuramuzi wa kooti enkuru eya Kabale, Samuel Emokol asiimire abahikire aha mukoro ogu n’obu eizooba ribaire riri eryakatare. Ayongiireho ngu abahandiiki ‘registrars’ nibabeeta ba ambasada.

Omu rupoota eyanjwirwe ishabaramuzi ey’omwaka gw’eby’esente ogwa 2022/2023, neyoreka ngu ekitongore ky’oburamuzi kitwire kiine emishango etakakozirwe kumara obwire. Eki nikyoreka ngu za kooti nizikyeyongyera beitu nagira ngu bariyo nibataho oburyo kureeba ngu emishango egyo yakorwaho.

Rupoota neyoreka ngu ekitongore ky’oburamuzi kiriyo nikitaho emiringo erimu Small Claims Procedure n’endiijo ey’okurahuka kukora aha mishango hatarimu ba puriida kandi kooti nebaasa n’okutaho okuhurikiriza emishango egi omundimi ezi abantu barikukyenga. 

#WestUpdates