Pooriisi nehiiga omushaija owatoroboize ow’emyaka 16

Pooriisi nehiiga omushaija owatoroboize ow’emyaka 16

N’ebya Bruno Mugizi. 

Bushenyi;

Pooriisi omu disiturikiti ya Bushenyi eriyo nehiiga omushaija orikugambwa kuba yatoroboize omwishiki kandi akamwihisamu enda.

Martial Tumusiime, Omugambirizi wa pooriisi ahabw’ekyanga ekya Bushenyi empango yaagira ngu orikugambwaho ni Kenneth Akanduhura Mugooha, 35, omutuura wa Kyeitembe East ward omu munisiparite ya Bushenyi Ishaka.

Ogu nagambwa kuba yatoroboize Atuhaire Juliet, 16, omutuura w’ekyaro nikyo kimwe.

Nikigambwa ngu Mugooha akatoroboza omwishiki ogu, owabaire namukorera nk’omukozi w’omuka Okwikumi nakumwe omugwa 2023 kandi akamutinatinisa obutagira ou yaakigambira.

Bwanyima y’obwire bukye, ishenkazi omwishiki ogu akamutwara omwirwariro kumukyebeza nikwo kushanga aine enda.

Omwishiki ogu akatwarwa omu eirwariro Omukwakabiri 2024 baihamu enda egi.

Okucondooza omu mushango ogu nikugumizamu.

#WestUpdates