Japan kureeta fakitore y’orwezo omu Uganda.

N’ebya Omushaki weitu

KAMPALA

Purezidenti Yoweri Museveni abugainehp Prof. Kim Yong Myong, omunyamyooga omu by’entunguuka kuruga Japan.

Prof. Kim niwe mukama wa Ac- Planta, kampuni erikwenda kutandika kukora orwezo  (Acetic Acid fertilizers) omu Uganda, okurugiirira aha kihandiiko ekishohoziibwe ekitongore ky’amakuru omu ofiisi ya Purezidenti.

Kampuni egi ey’omuri Tokyo Japan nekora orwezo orurikuhwera ebihingwa kukuragye n’okubihweraho obutakwatwa endwara hamwe n’okurwanisa ekizibu ky’ekyanda.

Omu rukiiko rwabo orubaire aha maka g’obwa Purezidenti, Entebbe aharwakabiiri ebiro 23/04/2024, Purezidenti Museveni ayakiire invesita omu Uganda kandi amuraganiise obushagiki bwa gavumenti kureeba ngu purogyekiti egi yakoragye.

Purezidenti Yoweri Museveni abugaineho tiimu y'abakuru kuruga omu kampuni y'okukora orwezo omuri Japan aha maka g'obwa Purezidenti, Entebbe.

Francis Mwebasa, Minisita w’eby’obushuubuzi n’amakorero hamwe na Lt. Col. Bright Rwamirama- Minisita w’eihanga ow’eby’amatungo ni bamwe omu bakuru omu gavumenti ababaire bari omu rukiiko oru.

Aha rubaju rwe, Prof. Kim, obaire ashendekyereziibwe omwe ahari ba Dayirekita ba kampuni ya Ac-Planta, Davis Ian Lawson, asiimire Purezidenti Museveni ahabw’okubakiira kandi amuhamiize ngu kampuni ye eyetegwire kutandikaho fakitore omu Uganda eyokukora orwezo.

#WestUpdates