Okukora enguuto ya Namagumba-Budadiri kutandika omumeezi 2 – Nabbanja

N’ebya Paul Watala

Sironko:

Okukora enguuto eya Namagumba-Budadiri- Nalugugu erikuhitsya kilomita 39 nikwija kutandika omumeezi 2 kurugiirira ahanganzi y’eihanga, Robinah Nabbanja.

Ebi Nabbanja abigambire nyomwabazyo obu abaire nagambaho n’abatuura ahamikoro y’okujaguza ekiro ky’abakazi ahabwa disiturikiti ya Sironko ekoreirwe ah’eishomero erya Mafudu Primary.

Robinah Nabbanja abaire akuriire emikoro y'okujaguza ekiro ky'abakazi omuri Sironko...(Photo by Paul Watala)

Nabbanja agiizire ngu okukora enguuto egi kukakyererwa ahabw’okubura sente z’okukaitira abantu amaka agarikutuura omubyanga ahi erikwija kuraaba.

Hoona ashabire abantu abari omumyanya egi kurugamu kuheereza omwanya kampuni eyahairwe konturakiti egi kutandika.

Purogyekiti egi eshashurirwe Gavumenti n’ebindi bitongore nka World Bank, European Union na Japan International Cooperation Agency (JICA).

Purogyekiti egi neija kutwara emyaka etaano kukorwa.

#WestUpdates