Aba Boda Mbarara City South na North baatoorana abeebembezi

N'ebya Eli Akiza, Mbarara City

Aba boda boda omuri Mbarara South na North baatoorana abeebembezi abaraabajwekyre aha diviijoni zaabo.
Eizooba eri abavugi ba boda boda okwetooroora orurembo rwa Mbarara baatoorana abeebembezi baabo abaraabajwekyere aha rurengo rwa 'Division'.

Akaruru aka kaateererwa aha mbuza za diviijoni ibiri eya North na South.

Aba baatandika n'okukyebera amaziina gaabo omu rukarara rw'okutereraho akaruru omu magingo ga shaaha nka 4 z'akasheeshe.
Abaaba betsimbireho baahaabwa akagisha okugambira bagyenzi baabo ebi barikwenda kubakorera ahagati y'akaari k'abahagizi hamwe n'amashemererwa.

Na bwanyima aba baateera akaruuru kaabo akaba kari ak'omungo kandi yaaba eri mpigiza-ndabeho.

Allan Buhanda Karakure, ori Commercial Officer, wa Mbarara City kandi oyebembeire ehururu egi yasiima aba Boda Boda ahabw'enkwatanisa kandi yaabahiga okugumizamu n'omwete nigwo gumwe.

Aba Mbarara City North baatoorana Bangumya Justus nka Ceyamaani, Nuwahereza Amon nk'omuhwezi we, Ssemambo Boaz nk'omubiiki, Bahati Edward nk'omuhandiiki, Ssenyanga Alex nk'ow'eby'okwerinda hamwe n’abandi.

Aba Mbarara City South baatoorana Turyahabwe Lauben nka Chairman, Owokunda Thadius nk'omuhwezi we, Ahimbisibwe Sineri nk'omuhandiiki, Kireebe Rashid nk'omubiiki, Musoke Swalleh nk'ow'eby'okwerinda hamwe n'abandi.

Ebiro 30/04/2024 abavugi ba boda boda nibaija kweteeranira omu kishaayi Kakyeka kutoorana obwebembezi bw'orurembo Mbarara rwona.

#WestUpdates