Eminyeeto yashabwa okwebembeza emicwe n’okukunda eihanga.

N’ebya Eli Akiza

MBARARA

Eminyeeto eshabirwe kwebembeza emicwe n’okugira omutima gw’okukunda eihanga ryabo baaba bari ab’okugira nyensya nungi.

Ebi bigambirwe aha mukoro gw’okujweka abeegi 560 b’eishomero ry’amahe erya Mbarara army School abatwire nibatendekwa eby’okukunda eihanga ryabo nyomwebazyo ebiro 25/04/2024.

Eminyeeto yashabwa okwebembeza emicwe n’okukunda eihanga.

Omukoro gutandikire n’abeegi aba barikutambura okwetorora orurembo rwa Mbarara.

Eminyeeto yashabwa okwebembeza emicwe n’okukunda eihanga.

Na bwanyima abeegi aba bateire enyiriri ezirambwirwe abeebembezi abahikire aha mukoro ogu ababaire bebembiirwe omuhwezi wa RCC wa Mbarara City South, Robert Kanusu.

Kanusu ashabire abatendekire abantu aba obutaruha obwo agumize ngu nibo musingye gwa Uganda enungi.

RCC wa Mbarara City South, Robert Kanusu aha mukoro gw'okushohoza abeegi abatwire aha kutendekwa omu by'okukunda eihanga ryabo ahari Mbarara Army Boarding School.

Omukoro ogu guhikirweho n’abandi beebembezi b’enkambi ya kabiri eya Makenke n’abandu kuruga omu bitongore by’okwerinda omuri Mbarara.

Abeebembezi batari bamwe abahikire aha mukoro gw'okushohoza abeegi ba Mbarara Army Boarding School abatwire aha kutendekwa okukunda eihanga ryabo.

Abeegi aba batwire nibatendekwa ebintu bitari bimwe kandi borekire bimwe aha bibegire omuri okukomorora embundu n’emizaano etari emwe eri kwegyesa.

Omu mwaka gwe 2009, Purezidenti Yoweri Museveni akatongozaho ekigombe kya National Patriotism Club kandi kuruga obwo, Uganda ryebembiize omuranga gw’okwegyesa eminyeeto okukunda eihanga ryabo kurabira omu mashomero n’ebindi bitongore ebirikugaita abanyamyooga.

#WestUpdates