Ba kansara babiri banaagirwe omu kuhindura abakozi

Ba kansara babiri banaagirwe omu kuhindura abakozi

N’ebya Peter Abaanabasazi

KIKUUBE:

Ba kasara babiri omu disiturikiti ya Kikuube banaagirwe kuruga ahakakiiko akakuru aka disiturikiti, kurugiirira aha Ceyamaani Peter Banura.

Abanaagirwe harimu Evas Munguryeke, kansara w’abakazi abakozi otwiire nakora nk’omuhandiiki w’abakozi hamwe na Nicholas Kiiza, kansara w’abashaija abakozi obaire nakora nk’omuhandiiki w’eby’obugaiga bw’omwitaka.

Banura arangiirire empinduka egi omu rukiiko rwa kanso orubaire ahakitebe kikuru kya disiturikiti nyomwabazyo, Orwakashatu, 30/8/2023. Beitu hoona takagambire ahabw’enki ababiri aba banaagirwe.

Peter Banura, Ceyamaani wa disiturikiti...(Photo by Peter Abaanabasazi)

Banura atooraine Ruth Kobusingye, ori kansara w’egomborora ya Buhimba kuba omuhandiiki w’abakozi na Nestori Tumwesige, kansara w’egomborora ya Kyangwali kuba omuhandiiki omuskya w’eby’obugaiga bw’omwitaka.

Ogu agiizire ngu empinduka egi egyendereire okureetaho entunguuka omu disiturikiti.

Omukwakataano 2022, ba kansara abamwe omu disiturikiti ya Kikuube bakahinguza ekitenso ky’okubinga ba memba 3 b’akakiiko akakuru aka disiturikiti ahamishango y’obushomankuzi n’okucupura.

Ekitenso eki kikaba kiri eky’okubinga Munguryeke, Kiiza na Vincent Alpha Opio, omuhwezi wa ceyamaani wa disiturikiti kandi hoona ori kansara w’entebe yakataano.

Beitu hoona ekitenso eki kikabingwa omu kooti enkuru ahabwa Masindi.

Abashatu aba bakaba nibajunaanwa okwiha sente ahabantu abarikwenda emirimo.

#WestUpdates