Abadde ssaabakunzi wa NUP e Butalejja afiiridde mu kabenje

BYA MOSES LEMISA

KAKUYEGE w’ekibiina kya Nup e Butalejja afiiridde mu kabenje  n’aleka amabuje okuli ne bbebi eyakazaalwa .

Amuza Dombo 25   omuvuzi wa takisi ku siteegi ya Mbale Busolwe  e Butalejja  abadde akulira kakuyege w’ekibiina kya Nup  yafiiridde mu kabenje oluvannyuma takisi nnamba UAV 166 P okumulemerera n’eyingira  ekizimbe   abakungubazi baamwogeddeko ng’abadde omumalirivu mu byakola ng’abadde ayimirira ku mazima

Dn 2

Willson Kyere eyabaddewo ng’akabenje kagwawo yategeezezza nti  omugenzi yali adda Busolwe ku Lwokuna  nga mmotoka mulimu abasabaze nga mmotoka yakutuse kakono  , yagasseko nti abasabaze baafunye ebisago  nga si byamaanyi nga Dombo ye yayisiddwa obubi  nga baagezezzako okumuddusa muddwaliro e Mbale .

Yagasseko nti  mu kumutwala muddwaliro mmotoka mwe baamutadde yafiiridde mu kkubo we baamutusirizza ng’obulamu takyali gye yafiiridde, yagambye nti omugenzi abadde abadde muntu mulamu nnyo .

Sakini  omu ku baasimatuuse akabenje yagambye omugezi kojja we nga mu mmotoka baabaddemu 4 ng’abasaze babadde 2 nga bwe batuuse ku Bukedi College Kachonga mmotoka we yalemeredde Dombo n’eyingira ekizimbe

Dn 7

Dorothy Musibika mukyala w’omugenzi yagambye nti  bba yabadde mu takisi ya kitaawe nga bulijjo yamusibudde bulungi okugenda okukola   ng’amawulire g’okufa kwe gaamukubye wala nnyo , yagambye nti omugenzi amulekedde abaana babiri okuli n’eyakazaalwa n’asaba abazira kisa okumukwasizzako okulaba ng’ababakuzza

Dn 8

Moses Lyada eyavuganyako ku bubaka bwa palamenti mu Bunyole West yagambye nti omugenzi abadde musajja ayagala ekibiina kye  ng’abadde akuyegera Kachonga Bufuja Town Coucil mu Bunyole East mu Butaleja District , yagasseko n’asaba abavuzi b’ebidduka okubyekejja  obulamu bwabyo n’okukomya okuvuga endiima , omugenzi yazikiddwa ku Lwokuna

Omugenzi yazikiddwa ebikonge ebyenjawulo okwabaadde  Joseph Muyonjo eyaliko ssentebe wa LC V e Butalejja ,Michael Wanje COA wa Adjuman , Florence Andiru Nebanda omubaka omukyala  owa Butalejja n’abalala