Abasiraamu bajjumbidde okusaala Eid Adhuha e Mukono

Abasiraamu bajjumbidde okusaala Iddi e Mukono. Abasiraamu okuva mu bitundu by'ekibuga ky'e Mukono eby'enjawulo bajjumbidde okusaala Iddi y'okusala ebisolo emanyiddwa nga Iddi Aduha.

Mk 2

Bano bakungaanidde ku muzikiti omukulu ogusangibwa mu kibuga Mukono wakati. Sheikh Sheikh Haruna Batuusa, y'asomye kutubba n'akubiriza Abasiraamu bulijjo okulumirirwa abalala ate n'okubeera n'omutima ogwagaliza.

Abanu nga basaala Eid

\Sheikh Batuusa Abasiraamu era abasabye abalina obusobozi okuddayo eka basale ebisolo ate basale ebyo byokka ebikkirizibwa mu mateeka g'Obusiraamu nga biramu bulungi ate bagabire ku bannaabwe ennyama.

Abasiraamu nga basaala Eid

Ye disitulikiti khadhi wa Mukono, Sheikh Saziri Lumala awadde gavumenti amagezi okulaba ng'erungamya buli kitongole kyayo naddala ebiri mu kukuuma emirembe n'okulwanyisa obumenyi bw'amateeka n'agamba nti aba poliisi bateekebwemu amaanyi babeere n'obusobozi okulwanyisa obumenyi bw'amateeka olwo n'abamagye aba UPDF bakole ogwabwe ogw'okukuuma ensalo z'eggwanga n'okwanganga abalabe ba Uganda abava ebweru w'ensi yaffe.

Abasiraamu nga basala ebisolo e Mukono

Sheikh Lumala agambye nti kikyamu okuddira aba UPDF ate be baba bakulemberamu okukwata ababbi b'enkoko oba abamenya amayumba n'agamba nti ogwo omulimu gulina kuba gwa poliisi.

Asinzidde wano n'ayanukula ne ku kiragiro ekyaweebwa aduumira ebikwekweto mu poliisi, amyuka Ssaabaduumizi wa poliisi Edward Ochom bwe yalagira abapoliisi mu disitulikiti y'e Mukono okukuba ku nnyama ababbi be basanga nga babbisa emmundu. Agambye nti kino kikyamu era kimenya amateeka g'eggwanga.

Mk 12

Poliisi okuvaayo n'ewa ekiragiro ky'okukuba ku nnyama ababbi b'emmundu kyaddiridde obumenyi bw'amateeka obutwaliramu n'okubbisa emmundu okweyongera mu disitulikiti y'e Mukono mu kiseera ekitono. Ab'emmundu baalumba Spice supermarket e Mukono ne babba ensimbi n'okukuba omukozi amasasi mu lubuto