Minisita Babalanda akuutidde abavubuka okutambulira mu ddiini
Sep 18, 2022
Minisita w’ensonga z’Obwapulezidenti Milly Babirye Babalanda y’akulembeddemu abavubuka Abadiventi mu kitundu kya North Buganda zone okujaguza olunaku lw’ekibiina kyabwe ekya Pathfinder.
By Saul Wokulira
Journalist @New Vision
Ekibiina kino kiyigiriza abavubuka okubeera ab’omugaso mu nsi wamu n’okubuulira enjiri.
Minisita Babalanda awerekeddwako omubaka omukyala owa Kayunga Aidah Erios Nantaba era nga bakumbye ppaka mu ddwaliro lya Kayunga regional referral hospital ne bagabira abakyala bannakawere ebintu eby’okukozesa omuli sukaali, obuugi n’ebirala.
Minisita Babalanda akuutidde abavubuka okutambulira mu ddiini era bafube okukola ebintu ebituufu mu budde obutuufu.
Akuutidde abavubuka beewale okujaajaamya emibiri gyabwe ekiyinza okubatuusa okukwatibwa ekirwadde kya mukenenya.
Minisita Babalanda Ne Nantaba Nga Beegyamu.ekif;saul Wokulira
Ku kulwanyisa obwavu abawadde obukadde 10 bagule ekyuma ekyaluza enkoko n’abakuutira okukola ennyo n’obutalinda mirimu gya kusiba ttaayi.
Omuwandiisi w’obulabirizi bwa Central Buganda conference, Jeremiah Alisengawa akuutidde abazadde bafeeyo okulambika abaana mu mpisa ennungi.
Omubaka omukyala owa Kayunga Aidah Nantaba akuutidde abavubuka beewale obusiiwuufu obuyingidde mu masomero.
No Comment