Lwaki abantu beeyunidde nnyo enkola ey'okugula poloti ezirimu ennyumba?
Oct 04, 2022
ABANTU abamu balina endowooza nti bw’ogula poloti erimu ennyumba okekkereza ate nga kituufu kubanga abantu abamu batunda layisi olw’okwagala okumala ebizibu byabwe.
By Ponsiano Nsimbi
Journalist @New Vision
Abantu abali ku kyeyo beetaniddwa nnyo enkola eno olw'okutya okubbibwa ab’eng’anda zaabwe, abamu tebalina bugumiikiriza bwakulinda bbanga ennyumba ly’emala ng'ezimbibwa.
Abamu bagufuula mulimu; Abasuubuzi b'ettaka abamu enkola eno bagikozesa okukumiramu ssente zaabwe n'okuzikuza. Bano abamu bwe bagula poloti zino ennyumba bazirongoosa ne bamala nebaddamu okuzitunda.
Bwogula poloti erimu ennyumba ng'eno oteekamu buteesi bintu ng'oyingira.
Abalala batya okuzimba era balina endowooza nti okuzimba kizibu ate abamu batya okubibwa n'addala abatazimbako.
Ying. Baker Kakembo agamba nti eky’okugula poloti omuli ennyumba tekyandibadde kibi naye buli muntu azimba n'addala abatali mu bizinensi yakuzimba nakutunda mayumba bazimba okusinzira ku busobozi bwaabwe abamu balina nengombo y'ekiriwo kimala.
Ennyumba zino ezimu tezibeera mpangaazi era weesanga ng'olina okuziddamu, okugeza ezimu tezibeera na bbiimu, ppulaani n'ebintu ebirala.
Ying. Kakembo ng'annyonnyola.
Ayongerako nti ennyumba ezimu zibeera n'ebizibu ebitali bimu okugeza amabanja ga bbanka, enkaayana n'ebirala.
Awabudde abalina enkola ey’okusinga poloti omuli amayumba ge basulamu mu bbanka oba mu bammanerenda okukikomya kubanga ekivuddeko bangi okutunda ennyumba zaabwe ate mu layisi.
No Comment