Eddy Kenzo asitudde abanene ku kivvulu kye n'awaga nga bw'atali wa bulijjo: Ajjuzza Kololo

Kenzo Yazze Yeebikiridde Bwati

Kenzo Ng'ajja Ku Siteegi

Abaana Basoose Kukola Bujogoli Bwa Muliro Nga Kenzo Tanalinya Ku Siteegi

Okuviira ddala ku Katikkiro wa Uganda Robinah Nabbanja, Minisita Vincent Bamulangaki Ssempijja, eyaliko Minisita Kiwanda Ssuubi, muto wa Pulezidenti Museveni; Micheal Nuwagira amanyiddwa nga Toyota n’abalala .  

Kenzo Nga Musanyufu Nnyo

Kenzo Ng'ayimba.

Kenzo Ng'ayimba Ne Chameleone

Kenzo Ne Chameleone Nga Batema Dansi

Kenzo yalinnye ku siteegi ku ssaawa nnya ez’ekiro wakati mu mizira okuva eri abawagizi be abaabadde bakuba enduulu ey’oluleekereeke ng’eno abavubuka bwe bakola obujogoli ku siteegi naddala okuzannyisa omuliro.  

Abawagizi Nga Bacamuse

Ono baamwambudde ki kabuuti kye yazze yebikkiridde olwo n'atandika n’okuyimba oluyimba olusiima Katonda olwa 'Nneyanzizza'. 

Yasumuludde endongo nga tasibamu okumala essaawa emu n’ekitundu olwo n'alyoka awummulamu n'aleka nga abayimbi abaavudde ebweru okuli; Mampi owa Swiriririri okuva e Zambia, Harmonise okuva e Tanzania ne Bruce Melody okuva e Rwanda nga basanyusa abantu.

Mampi okuva e Zambia Ng'ayimba

Harmonize okuva e Tanzania Ng'ayimba

Kenzo oluvannyuma yakomyewo n'ayimbira okumala eddakiika 30 olwo n'ayita Katikkiro wa Uganda, Robinah Nabbanja okwogerako eri abantu.

Nabbanja yacamudde abantu bwe yategeezezza nti nga Katikkiro wa Uganda, Pulezidenti yamuwa amaanyi n'olwekyo alagidde ekivvulu kyeyongereyo okutuusa ku ssaawa 9 ogw'ekiro olwo enduulu n'evuga.

Nabbanja Ng'agoberera Ebyabadde Bigenda Mu Maaso

Nabbanja Ng'atema Dansi Ku Luyimba Lwa Kenzo

Kenzo Ne Nabanja Ku Siteegi

Nabbanja olwabadde okumaliriza okwogera Kenzo n'addamu buto okukuba abantu omuziki nga siteegi yavuddeko ku ssaawa munaana ogw’ekiro. 

Abayimbi abalala okwabadde Bebe Cool, Paasita Wilson Bugembe, Karole Kasiita, Spice Diana, Nina Roz, Geo Steady, Martha Mukisa, B2C, Mesach Ssemakula n’abalala bangi baayimbye ku kivvulu kino ekyabadde eky'ebyafaayo.   

Bebe Cool Ng'asanyusa Abawagizi

Bebe Cool Ng'ayimbira Abawagizi E Kololo

Abawagizi Nga Banyumirwa

Spice Diana Ng'ayimba