Amawulire
Aba St Paul SS Nsangi bajaguzza okuyita ebya S4
ABAYIZI b'essomero St. Paul SS Nsangi Katereke mu disitulikiti ye Wakiso ne gyebuli eno bakyajaganya olw'okuyita ebigezo bya S4 ebyafulumiziddwa ku lwokuna February 9,2023.. Hasifah Nakalule nga yafunye obubonero 24 ategeezezza ng'okwewala otulo otususe nga ky'ekimu ku bintu ebyamuyambye mu lugendo lwe luno saako n'okutambulira mu kulambikibwa kw'abasomesa be.
Aba St Paul ss Nsangi nga bajaguza okuyita ebya s4
By: Bukedde Omusunsuzi, Journalists @NewVision
ABAYIZI b'essomero St. Paul SS Nsangi Katereke mu disitulikiti ye Wakiso ne gyebuli eno bakyajaganya olw'okuyita ebigezo bya S4 ebyafulumiziddwa ku lwokuna February 9,2023..
Hasifah Nakalule nga yafunye obubonero 24 ategeezezza ng'okwewala otulo otususe nga ky'ekimu ku bintu ebyamuyambye mu lugendo lwe luno saako n'okutambulira mu kulambikibwa kw'abasomesa be.
Abayizi abalala baategeezezza nga ng'okukola okukubaganya ebirowoozo n'okwebangula ku masomo ge babadde bakola nga bwekibayambye ennyo okuyita obulungi.
Simon Patrick Kimbowa, Omutandisi w'essomero lino ategeezezza ng'abayizi baabwe bwebaakoze obulungi mu masomo ga sayansi saako n'ennimi okuli Oluganda n'Olungereza era neyebaza abazadde olw'okubeesiga n'abaana baabwe okubabangula.
Abamu nga bwebaakoze; Owembabazi Tony yafunye obubonero 27,Joel Buyondo 27,Martha Nabukeera 27,Eric Kamulegeya 2,Solomon Kyeyune 31 n'abalala.