Poliisi ekubye ttiyaggaasi ng'ekwata Nakweede abadde asolooza ssente mu bantu okuliwa kkooti

Nakweede bamukwatidde Kitimbwa mu maduuka gyeyayitiddwa mikwano gye bamusondere ku ssente 21,31,000/- kooti zeyamusalira nga engassi oluvanyuma lwa Nakweede okumeggebwa omusango gwe yaloopa omubaka Nantaba nga agamba nti abbye obululu.

Nakweede yakedde mu Kitimbwa town council mu kaweefube g’aliko okulambula ng'ayita mu bazirakisa e Kayunga nga bamusondera ssente era yabadde atambula dduuka ku dduuka.

Abasirikale Nga Balagira Nakweede Okutambula Bamutwale.ekif;saul Wokulira

Poliisi ekkakkanya obujagalalo nga eduumirwa Dan Wagwabi yasazeeko Nakweede n’emulagira okuyimiriza okusonda ssente ekintu Nakweede ky’awakanyizza nga agamba nti yafuna olukusa mu buwandiike okuva ewa ssaabaduumizi wa poliisi olw’okusonda ssente okutuuka nga March 30, awone Nantaba okumusiba kubanga ye tazirina.

Wagwabi yategeezezza Nakweede nti yabadde atataaganya abantu abeekolera emirimu okunoonyeza abaana baabwe fiizi.

Nakweede Nga Ayogera Ne Bannamawulire Nga Tannayingizibwa Mu Kaduukulu. Ekif;saul Wokulira (5)

Yateekeddwa ku kabangali ya poliisi paka mu kaduukulu ku poliisi e Kayunga wabula abasirikale bagaanyi okwogera ebisingawo ku misango ki gye bavunaana Nakweede.

Wabula ye Nakweede nga yaakatuusibwa poliisi tusobodde okwogerako naye n’agamba nti tafunanga ku bbaluwa emuyimiriza okusonda ssente oba okusazaamu eya Ssabaduumizi wa poliisi eyasooka okumuweebwa.