Poliisi erabudde ku by’etteeka ly’enkung’aana

 Bya Eria Luyimbazi

POLIISI erabudde Bannayu­ganda obuteeyibaala oluvan­nyuma lwa kkooti etaputa Ssemateeka okusazaamu obumu ku buwaayiro obuli mu tteeka erifuga enkungaana.

Mu musango ogwali guvunaan­ibwa Robert Kyagulanyi Ssentamu (Bobi Wine), abalamuzi mu kkooti etabuta Ssemateeka baliko obu­waayiro bwe baasazizzaamu mu tteeka eriruhhamya enkuhhaana nga bagamba nti, bukontana ne Ssemateeka.

Wabula omwogezi wa poliisi mu ggwanga, Fred Enanga yagambye nti, poliisi erina obuwaayiro obulala mw’erina okuyita okuluhhamya n’okutangira embeera.

Yagambye nti omuntu yenna ayagala okuteekateeka olukuh­haana alina okutegeeza poliisi ng’ebula ennaku 3 n’okulambula ekifo, omuwendo gw’abantu aba­genda okukungaana nga kino bwe kiba tekikoleddwa poliisi yaakulugaana okugenda mu maaso.

Yategeezezza nti, omuserikale oba ab’ebitongole by’ebyokwerinda nga bayita mu kawaayiro nnamba 68 mu tteeka erirungamya enkuhhaana basobola okuluyi­miriza singa balaba nga lumenya amateeka.

Yagasseeko nti era poliisi erina amateeka amalala g’esobola okweyambisa okuvunaana abakwatiddwa nga bamenya amateeka ng’okweyambisa etteeka erifuga ebyentambula n’enguudo ng’omuntu bw’akwatibwa ng’akumyemu omuliro n’okulwonoona avunaanibwa.

Bino yabyogeredde mu lukungaana lw’abaamawulire e Naggulu ku Mmande. Mu lukuhhaana luno, omwogezi wa poliisi y’ebidduka Farida Nampiima yagambye nti wiiki ewedde obubenje 787 bwe bwabaddewo mu ggwanga.