Aba Nyenga Seminary batongozza ebikujjuko by'okujaguza emyaka 100
Aba Nyenga Seminary batongozza ebikujjuko by'okujaguza emyaka 100
Minisita JC Muyingo ne Bp Kakoza mu kutongoza ebikujjuko bya Nyenga Seminary
Minisita omubeezi ow'ebyenjigiriza ebya waggulu, JC Muyingo asinzidde ku Nyenga Seminary e Buikwe n'asaba abatandisi b'amasomero okussa essira mu kugunjula abaana mu mpisa nga Eklezia Katolika bw'ekoze ne kigiviiramu okufulumya abantu abangi ate nga beegombebwa yonna gye bagenze okukolera.
Muyingo ye yabadde mugenyi omukulu mu kutongoza enteekateeka z'okukuza ebijaguzo bya Seminary ya Nyenga nga eweza emyaka 100 bukya etandikibwawo mu 1924.
Ekimu ku bizimbe bya Nyenga Seminary
Asabye buli alina ky'alina okukiwaayo okusobola okuyimirizaawo emikolo egyo olw'ebirungi Seminary eyo by'ekoledde eggwanga.
Omusumba w'essaza ly'e Lugazi, Bp. Christopher Kakooza agambye nti bo mu Seminary bategeka omwana okufuuka omusasodooti oba okubeera omuntu ow'omugaso yonna gy'aliba alaze.
Baasonze ensimbi okumaliriza ekizimbe ky'ekijjukizo.