Asabye abakyala abafumbo okusiimanga abaami baabwe

Bino byogeddwa eyali omukulembeze wa  province mu mothers union Canon Dokita  Ruth Ssenyonyi  bw’abadde abuulira ku lunaku lwa Maliyamu mu kkanisa ya St. Stephens Church of Uganda Mpereerwe. 

Can. Dok. Ruth Ssenyonyi bw’abadde abuulira , asabye abakyala okuba abawulize eri abaami baabwe nga bayibuli bw’eragira wadde nga ebisoomooza mu maka bingi.

Omwami N'omukyala Ba Ssenyonyi Mu Kkanisa Ya St. Stephens Mpereerwe.

Ssenyonyi ategeezezza nti embeera ensangi zino si nnungi kiri awo nga ensimbi zibuze n’olumu obusobozi busobola okugaana okulabika naye abasabye okusiimanga ako akatono akaliwo . 

Ensangi zino nga abakyala bakola emirimu egy’enjawulo okutuuka okusinga abaami baabwe essente.

Can. Dok. Ssenyonyi abasabye okuba abawombeefu nga beewala amalala wabula nga beetoowaza okuviira ddala mu maka gaabwe , mu kkanisa ne mu mirimu gye bakola kubanga obugagga ekitiibwa n’obulamu ye mpeera okuva eri Katonda . 

Abamu Ku Bakristaayo Abeetabye Mu Kusaba Kuno Nga Bayimba.

Ayongedde n’asaba abazadde okwenyigiranga mu misomo gya baaana baabwe okusobola okumanya biki bye basoma ne bye bayiga mu masomero era ekyo kireetera n’abasomesa okwegendereza kubanga bamanyi nti omuzadde ajja kumanya ate nga kireetera n’abaana okumanya nti omuzadde afaayo . 

Abasabye okusabiranga abaami baabwe wamu n’ezadde lyabwe okuva nga bato kubanga ebisoomooza abaami baabwe n’abaana okuva mu buto nga bali awaka , mu masomero , mu birimu , mu maka n’awalala bingi .