Eggye lya UPDF likkiriziganyizza okussaawo kafiyu e Somalia

Oluvannyuma lw’okukolebwako obulumbaganyi abagambibwa okuba abatujju b’akabiina ka Al-Shabaab, omuduumizi w’eggye ly’okuttaka mu UPDF-Lt. Gen. Kayanja Muhanga ng’ali wamu n’aduumira amagye e Somalia-Gen. Yusuf Odowaa Rageh, bakkiriziganyizza okussaawo kafiyu ku nguudo ennene okuli oluva e Afgoye okudda e Barawe, mu kitundu kya Shabelle.

UPDF

Bano bagamba nti kino kikoleddwa okusala ku muwendo gw’emmotoka ne ppiki ebibadde bikozesa enguudo zino okutambuza eby’okulwanyisa n’Abatujju ba Al-Shabaab ababafuukidde akayinja mu ngatto.
Bino byatuukidwako ku Mmande, nga May,29th, 2023 mu lukiiko olwatudde mu kitundu ky’e Goloweyn okumpi n’enkambi ya UPDF eyitibwa Forward Operating Base (FOB) ebadde yakalumbibwa.
Kigambibwa nti abatujju babadde  batandise omuze gw’okutambuza eby’okulwanyisa ku mmotoka mu budde bw’ekiro era nga by’ebimu ku bye beeyambisizza mu bulunganyi ku nkambi ya UPDF.

UPDF

Kinajjukirwa nti Lt. Gen Kayanja Muhanga yagenda e Somalia, oluvannyuma lw’okuttibwa kw’abajaasi ba UPDF ng’ekigendererwa ekikulu kyakuzuula engeri aba Alshabaab gye baalumbamu e Bulomareer nga May, 26th, 2023.
Mu lugendo luno,  Muhanga yawerekedwako Col. Stuart Agaba; Dayirekita w’ebikwekweto mu ggye ly’okuttaka, Col. Elvis Byamukama; ne Lt. Col Albert Kashakamba.