Ab’e Teso beemulugunyizza ku nsengeka y’ensoma empya

ABAYIZI ku masomero ag’enjawulo mu disitulikiti y’e Kaberamaido e Teso balaze nga bwe bafuna okusoomoozebwa ku by’ensoma empya eyaleetebwa gavumenti olw’okubulwa ebikozesebwa mu kunoonyereza bye basomako nga bwe balagirwa.

Abayizi bagamba nti okuva ensoma eno lwe yaleetebwa, basomera wakati mu kusoberwa olw’okubulwa ebikozesebwa mu kunoonyereza nga kompyuta okuli ‘internet’ ku masomero n’amasimu ekika kya ‘smart’.

Okusoomoozebwa kuno baakubuulidde abaakakiiko akaateekebwawo okukola ku by’ennongoosereza ku by’ensoma mu ggwanga aka ‘Education policy review commission’ akakulemberwa Amanya Mushega abaagenze e Teso okubeebuuzaako n’abantu abalala be kikwatako ku byenjigiriza n’abakulembeze okufuna endowooza zaabwe.

Abayizi ba S3 ku ssomero lya Alwa SS, baategeezezza nti bali mu kutya ku ngeri gye bagenda okukolamu ebigezo.