Ekisulo ky'abayizi ku St Theresa Girls Kisubi P/S e Ntebe kikutte omuliro

EBINTU by'abayizi ebibalirirwa mu bukadde bw'ensimbi, bitokomokedde mu nnabambula w'omuliro akedde okukwata essomero lya St Theresa Girls Kisubi P/S  e Ntebe.

Omuliro guno kigambibwa nti gufubutuse mu kisulo ky'abayizi b'ekibiina Ekyokuna kyokka poliisi ezikiriza omuliro esobodde okwanguwa n'eguzikiriza nga tegunasaasaanira bifo birala.

Kitegeezeddwa nti omuliro gutandise ku ssaawa nga bbiri ez'okumanya nti kyokka basobodde okuduukirira abaana bonna era nga tewali ofunye bisago wadde okufiira mu muliro guno.

Amyuka omwogezi wa poliisi mu Kampala n'emiriraano Luke Oweyesigyire, ategeezezza nti ebintu by'abayizi ababadde basula mu ddoomu eyo,  byonna bisanyeewo , era nga bagenda mu maaso n'okunoonyereza kukiyinza okuba nga kyekivuddeko omuliro okukwata essomero eryo kyokka teri mwana n'omu alumiziddwa.

Bbo abazadde bagaaniddwa kutuuka ku kisulo kino ekikute omuliro.

Abazadde nga bakungaanidde mu nkibangirizi ky'essomero

Ebifaananyi bya Phoebe Nnabagereka