Muwala wa Ken Lukyamuzi akolimidde abamusibako omusajja ow’amaanyi mu ggwanga okuba muninkini we

Bya Daphine Nakalyoowa Semakula

Susan Nampijja, muwala wa Lukyamuzi avuddeyo gy'abadde yeekukumye n’akolimira abaamusibako omusajja ow’amaanyi okuba muninkini we, ekimumazeeko emirembe.

Omanyi Nampijja yasikira kitaawe eyali omubaka wa palamenti wa Lubaga South Ken Lukyamuzi.

Nampijja yali mu palamenti eyomunaana mu 2006–2011 era yaliko ekisanja kimu n'avaayo ate kitaawe n'addayo. Oluvannyuma yafunamu obuzibubuzi era amaze emyaka egisoba mu 10 nga talabikako.

Olwo  abantu ne batandika okulubungeesa ng’ono nga bwe yafumbirwa muninkini we ono nti era n’amussa mu nnyumba matiribona eri ku luguudo lw’e Ntebe era nga tamukkiriza kuvaamu. Bino byonna Nampijja abiyita kumusibako matu gambuzi kundiisa ngo.

Ono yabadde ku ttivvi emu gye buvuddeko n’agamba nti kino kyamukola bubi  ne ffamire ye yonna.

Yagambye mbu buli gyagezaako okusaba omulimu bamuyita mbega kyokka ng'omuntu gwe bamusibako tayogerangako naye.

Agamba nti abaayiiya ekiboozi kino baali ba byabufuzi era nga banoonya okusangulira ddala mu byobufuzi ne kitaawe.

Yategeezezza nti kati alina obulimu obutonotono bwe yeekwasa n'asobola okubaawo.