Bukedde ffamire bakoze akabaga akamalako omwaka ne basiimibwa obukozi n'okwewaayo

Abakozi ba Bukedde ffamire omuli Bukedde Tv, Bukedde olupapula ssaako Bukedde fa ma embutikizi basiimiddwa ku kabaga k'okumulako omwaka ne beeyama okwongera okuweereza eggwanga.

Namayanja Abadde Miss Bukedde Ng'ayambaza Shamim Nabunya Eyamuddidde Mu Bigere.

Akabaga kano akabadde ku Black and White lounge ku Centenary Park mu Kampala kaacamudde abakozi bano abaasoose okwerondamu Miss ne Mr. Bukedde mu kuvuganya okwabadde okwakaasa mmeeme.

Steven Musoke(mu Byeru) Eyabadde Yeesimbyewo Ne Martin Kizza Ku Bwa Mr.bukedde Mu Kuvuganya.

Ku kifo kya miss Bukedde okuvuganya kwabadde wakati wa Zaitun Mutebi ne Shamim Nabunya ate ku bwa Mr. okuvuganya ne kubeera wakati wa Steven Musoke ne Martin Kizza.

Shamim Nabunya Ne Zaituni Mutebi Ababadde Beesimbyewo Ku Bwa Miss Bukedde Nga Babalonda.

Okulonda kuno okwabadde okw’akalulu k'omugongo kwacamudde abawagizi b’enkambi zonna era Bruno Betty eyakulembeddemu kaweefube ono kwe kulangiriira Shamim Nabunya nga miss Bukedde ssaako Martin Kizza nga Mr. Bukedde 2024.

Gs.kigobero Owa Bukedde Fa Ma Ng'akwasibwa Ebirabo Okuva Ewa Maneja Wa Bukedde, Herbert Yawe Kabanda.

Omukung’aanya wa Bukedde Olupapula ow’okuntikko,  Micheal Mukasa Ssebowa yasiimye abakozi ba Bukedde olw’okwewaayo ne bafeffeta amawuliire okulaba nga bawereeza omuntu wa wansi.

Ye Gonzaga Bbosa eyakulembeddemu kaweefube ono yaweze nga ensisinkano zino bwe zijja okugenda mu maaso okulaba nga banyweza obumu ku mulimu.

Omukung'aanya Micheal Mukasa Ssebowa N'atuukirwako Amawulire Ahmed Mukiibi Ku Kabaga.

Abakozi bangi okuli Simo omunene w'ekibuga, Edith Namayanja, Ponsiano Nsimbi, Fatuma Nalubega, Saul Wokulira n’abalala baasiimiddwa olw'okusukkuluma ku bannaabwe mu kukola emirimu era ne baweebwa satifikeeti n’ebirabo.

Edith Namayanja Agasakira Mu Palamenti Oluvannyuma Lw'okukwasibwa Satifikeeti Emusiima Okukola Obulungi.

Abamu Ku Bakozi Abaabadde Ku Kabaga Ng'essanyu Libatta.