Omubbi Poliisi gw'ebadde yaakatakkuliza ku bantu ate afiiridde mu ngalo z'abaserikale e Kitigoma

ABASIRIKALE ba poliisi kibabuseeko, omubbi gwe babadde bakatakkuluza ku bantu nga bamukuba , bw'atondose n'abafiira mu ngalo nga bakamutuusa ku poliisi.

Bino bibadde ku poliisi y'e Kitogoma e Njeru mu Buikwe, abasirikale bwe bagezezzaako okutaasa omusajja atannamanyika bimukwatako, abatuuze bwe bamukutte ng'abba amatooke ne batandika okumukuba.

Bibabadde ku kyalo Jomayi - Namatogonya  zooni e Kitigoma Njeru municipality mu Buikwe distulikiti, abatuuze bwe bamukubye kyokka n'agezaako okutumya nnyina basobole okukaanya era nga wano poliisi w'etuukidde n'emutwala e Kitigoma gy'afiiridde.

Omwogezi wa poliisi mu Ssezzibwa, Hellen Butoto , agambye nti okunoonyereza kugenda mu maaso okuzuula ababadde emabega w'okutwalira amateeka mu ngalo.