Emirambo 3 egy’abaafiiridde mu nnyanja gikyabuze
EMIRAMBO gy’abasuubuzi abaafiiridde mu nnyanja nga bava ku bizinga by’e Zzinga nga boolekera Nakiwogo egimu gikyabuze.
Balubbira nga bawanise engalo okutegeeza bannaabwe nti emirambo mwegiri.jpg
Bya Godfrey Ssempijja
EMIRAMBO gy’abasuubuzi abaafiiridde mu nnyanja nga bava ku bizinga by’e Zzinga nga boolekera Nakiwogo egimu gikyabuze.
Emirambo egikyabuze, kuliko ogwa Emmanuel Nsubuga 35 ow’e Kasanje nga ye yabadde avuga eryato, Francis Mundenkye 50 ow’e Bushenyi, ssaako Maama Claire nga w’e Kisoro.
Eryato lyabaddeko abantu 17 era ekkumi abaataasiddwa kuliko; Flex Asiimwe, Leticia Akatukwasa, Justine Namata, John Isingoma, Pius Twinamatsiko, Robert Tumusiime, Selestine Maniriho, Simeon Tumuhimbise, Joel Tinkansimire, Aisha Namuyomba ne Frank Galiwango.
Kigambibwa nti eryato lino okugwamu kyavudde ku yingini okugwa mu nnyanja era baabadde bagezaako okugisikayo eryato ne ligwamu ne liyiwayo abantu n’ebintu byabwe .
Kigambibwa nti ng’oggyeeko abantu eryato lyabaddeko , enkota z’amatooka nga 200, ensawo za muwogo 7 n’ebintu ebirala.