Amawulire
Abazigu basse abooluganda 2 ne babasibira mu nnyumba ne bakuliita
ABANTU babiri battiddwa mu ntiisa, emirambo gyabwe ne girekebwa mu nnyumba abatuuze mwe baagisanze nga gingalamye mu bitaba by'omusaayi.
Abazigu basse abooluganda 2 ne babasibira mu nnyumba ne bakuliita
By: Godfrey Kigobero, Journalist @New Vision
ABANTU babiri battiddwa mu ntiisa, emirambo gyabwe ne girekebwa mu nnyumba abatuuze mwe baagisanze nga gingalamye mu bitaba by'omusaayi.
Ettemu, libadde ku kyalo Bugobi mu muluka gw'e Nawanyago mu ggombolola y'e Irongo mu disitulikiti y'e Luuka, abatemu bwe basse Betty Tulina 58 ne Esther Mubeezi 32 era ng'awaka abagenzi, babadde babeerawo n'omuvubuka ow'emyaka 21.
Kigambibwa nti waliwo omugenyi akyadde awaka, n'asangawo omuvubuka ono kyokka n'alemwa okumunnyonnyola abagenzi gye babadde, ekireeseewo okuteebereza nti y'andiba ng'alina ky'amaanyi ku kuttibwa kwabwe.
Omwogezi wa poliisi mu Busoga North, Samson Lubega, agambye nti oluvannyuma lw'okukwata omuvubuka oyo, abatuuze bakkakkanye ku nnyumba ne bagimenya nga baagala kumugajambula kyokka poliisi n'emutwala n'emuggalira ng'okunoonyereza kugenda mu maaso.