Abaserikale bali ku gwa kubba obukadde 180

ABASERIKALE basatu okuli abajaasi ba UPDF 2, omupoliisi n’abantu baabulijjo 8 basimbiddwa mu kkooti y’amagye ekulirwa Brig. Gen. Freeman Mugabe ne bavunaanibwa omusango gw’okuwamba omusuubuzi ne ddereeva we ne babanyagako ddoola 50,000 nga bakozesa mmundu.
PC Isaac Isabirye ng’akola mu ttabi lya ICT ku kitebe e Nagguru avunaanibwa n’omujaasi Pte Isma Mugeragi 29 ssaako omujaasi eyawummula S/Sgt. Travis Bakyenga Mfi tumukiza ng’abeera Kira mu Wakiso. Abalala abaavunaaniddwa kuliko; Daniel Mugabi nga ddereva, Salim Lutaaya, Mahd Ssenono, Patrick Ngobi, Usama Kaddu, David
Kalyesubula amanyiddwa nga Kalz, Abdul Kayongo amanyiddwa nga Best ne Hamuza Matovu ow’e Kazinga-Kasangati. Obunyanzi buno bwaliwo nga October 24, 2023 ku lutindo lwa Katonga mu disitulikiti y’e Mpigi nga baanyaga Shukuru Hussein
Nuuru doola 50,000 essimu eya Samsung n’endala eya Nokia nga bakozesa ekissi. Omusango guddamu okuwulirwa nga April 29, 2024.