Sipiika Among ne Waiswa Mufumbiro beeyogeredde ebikankana mu kuziika

AMYUKA omwogezi w’ekibiina kya NUP, Alex Waiswa Mufumbiro yatabukidde Sipiika Anita Among n’amulabula okukomya okuvvoola eyali Sipiika Rebecca Kadaga.

Baabadde ku kyalo Butende e Bugweri mu kuziika muganda w’omubaka wa Bugweri,
Abdu Katuntu, munnamateeka Ramathan Waiswa eyafi - iridde mu kabenje.

Mufumbiro yagambye nti yeewuunya Sipiika Among okuvvoola Kadaga kyokka nga baamukasuka ettale mu kifo ky’obwasipiika. Mufumbiro yagambye nga abatuuze mu kitundu kya Busoga bwe bakyenyumiriza mu Kadaga nga tebagenda kukkiriza kumuyisaamu maaso.
Yasabye Among akole mirimu gye ave ku ky’okutabaala Kadaga. Ku ky’omubaka Mpuuga, yategeezezza nga bw’atagenda kuva ku byakwogera ku ssente obukadde
500 bwe yafuna mu ngeri y’enguzi nti kubanga ayogera mazima. Mpuuga naye, yamwanukudde nti abasirusiru boogera ebigambo bingi wabula abagezi boogera bitono n’asaba Mufumbiro okukomya okwogera ku nsonga z’ebyobufuzi mu kifo ekikyamu.
Ate Sipiika Among yagambye nga bw’atagenda kutiisibwatiisibwa na bigambo bya Waiswa n’amusaba alinde ekiseera ky’ebyobufuzi ekituufu mwe bagenda okweragira
eryanyi. Oluvannyuma Among yasuubizza Abasiraamu mu ssaza Bugweri obukadde 100 okuzimbako ekitebe kyabwe n’okulaba ng’eddwaaliro ekkulu mu disitulikiti
eno Busesa HC4 lisuumusibwa ne disitulikiti okufuna ebyuma ebirima amakubo.

Omubaka Katuntu yalaze okunyolwa olw’okufi irwa muganda we eyafi - ira mu kabenje mu bitundu by’e Paliisa ne ddereeva we, Ronald Waiswa mmotoka mwe baali bwe yalemerwa okuweta ekkoona ne yeefuula emirundi egiwera.

Mufumbiro okulumba sipiika Among kyaddirira okusinziira e Buyenda omwezi oguwedde n’avvoola Kadaga gwe yasaba awummule ebyobufuzi nti kubanga akaddiye nti era si y’asalirawo abantu gwe balina okulonda e Buyende