Poliisi eyodde 80 ku by'okumenya amateeka wakati mu kibuga

POLIISI mu Kampala ekoze ekikwekweto , mw'eyooledde abantu 80 abagambibwa okwenyigira mu bumenyi bw'amateeka obw'enjawulo.

Ekikwekweto, kikoleddwa ku Arua Park, ppaaka enkadde, Nakivubo Rd, Biwologoma, Nkuruma, Punjan, ku nkulungo ewa Mukwano n'ebitundu ebiriraanyeewo.

Kiddiridde okwemulugunya okuva mu basuubuzi n'abasaabaze ku bubbi bw'okusikambula amasimu, obusawo, okubba ebintu okuva mu mmotoka mu jjaamu n'okusikambula ebintu ku mmotoka.

Omwogezi wa poliisi mu Kampala, Racheal Kawala, ategeezezza nti bakyagenda mu maaso n'okubasunsulamu era nga baakutwalibwa mu kkooti.