Fayinolo y'ebika bya Buganda: Engabi ekyaleebya Empindi

EKITUNDU ekisooka ekya  fayinolo y'ebika by'Abaganda wakati w'Empindi n'Engabi ensamba kiwumudde 0-1 nga ggoolo y'Engabi eteebeddwa Vianney Ssekajjugo. 

Ku mupiira guno Ssabalabirizi w'ekkanisa ya Uganda, Dr. Kazimba Mugalu Mboowa ng'ava mu ssiga lya Kamyuka Mugalu e Ggunda-Kyaggwe ye mulabi omukulu. 

Dr. Kazimba ayaniriziddwa Katikkiro wa Buganda Charles Peter Mayiga, n'alambula ennyiriri era oluvannyuma ne yeekyubya ebifaananyi eby'enjawulo n'abavujjirizi b'empaka zino, Abataka abakulu b'ebika ate n'olukiiko olutegesi. 

Ebika bino ebisamba byasemba okusisinkana ku fayinolo mu 2007 era baalemagana,engabo ne bagigabana.

Ggoolo Ssekajjugo gy'ateebye ewezezza ggoolo 152 ezaakateebwa mu mpaka z'omwaka guno ezaatandika nga April 27,2024 mu kisaawe e Wankulukuku,awali ne fayinolo.