Ababadde beeyiye ku ssemaduuka wa China Town e Lugogo balagiddwa okudda ewaabwe

Ebikumi n'ebikumu by'abantu ababadde beeyiye e Lugogo ku dduuka lya China Town Super Store eggulo , babalagidde okudda ewaabwe oluvannyuma lw'abaliddukanya, okulemererwa okutuukiriza obukwakkulizo obwassiddwawo abeebyokwerinda.

Ennaku zino, abantu bangi babadde bagenda ku dduuka lino okwegulira ku bintu ebigambibwa okuba eby'ebbeeyi entono, ekireeseewo omujjuzo n'akanyigo mu kifo.

Abantu abaabadde beeyiye ku ssemaduuka ono.

Kino kitiisizza ebeebyokwerinda olw'ebikolwa eby'ekitujju ebiyinza okubalukawo era ne balagira abaddukanya ekifo ekyo, okwongerako obukuumi bw'abasieikale ba poliisi abalwanyisa obutujju.

Kigambibwa nti bino , byatuukiddwako mu lukung’aana lwe baalimu ku Lwokubiri nti kyokka n'okutuusa leero ,obukwakkulizo babadde tebannabutuukiriza , kwe kusaba abantu babagobe okutuusa nga batereezezza ebyokwerinda.

Omwogezi wa poliisi mu Kampala n’emiriraano, Patrick Onyango, agambye nti abantu nga 3,000, be babadde bayingira edduuka lino ate nga bakozesa omulyango gumu.