Abakozi ba Bukedde Fm bacamudde ab'e Lungujja

NAMUNGI w'omuntu yeeyiye ku kisaawe kya yanga ekisangibwa e Lungujja Kosovo mu zooni ya Ssendawula mu gombolola ye Lubaga okulaba n'okukwata ku bakozi ba Bukedde FAMA Embutikizi ababakyaliddeko ne kigendererwa ekyokusembeza Radio eno mubawuliriza baayo.

Tiimu ya bakozi ba Bukedde FAMA yakulembedwamu manager waayo Ronald Ssebutiko era nga mu kutuukayo basoose kukola bulungi bwansi nga bali wamu ne ba kansala be Lubaga ababadde bakulembedwaamu sipiika waabwe Musa Mbaziira ne bayonja n'okugogola emyala ekintu ekyasanyudde enyo abantu bomu kitundu kino.

Bulungibwansi olwawedde wabaddewo ekimeeza ekyabadde kikubirizibwa Ronald Ssebutiko era abatuuze bakira basoya abakulembeze baabwe ebibuuzo ebyokumukumu ng'essira okusinga basinze mu kubalumiriza okwesuulirayo ogwa naggamba ng'abatuuze babonabona ne kasasiro,ebyobulamu,enkola ya bakuuma ddembe ssaako n'obutabasakira sente zakwekulakulanya.