Amawulire
Abakungubazi bayungudde amaziga mu kusabira omugenzi Samuel Balagadde Ssekadde
EMIRANGA gy'abuutikidde ekkanisa ya St Mark Namate ey’ekitebe ky’obussabadinkoni e Ntebe ng’omubiri gw’omugenzi Bp Samuel Balagadde Ssekadde gutusibwayo okugusabira.
Abakungubazi nga bakaabira omugenzi Balagadde Sekadde
By: Peter Ssaava, Journalists @New Vision
EMIRANGA gy'abuutikidde ekkanisa ya St Mark Namate ey’ekitebe ky’obussabadinkoni e Ntebe ng’omubiri gw’omugenzi Bp Samuel Balagadde Ssekadde gutusibwayo okugusabira.
Okusaba kwatandise ku ssaawa 5;oo ez’okumakya ng’okubuulira kwakulembeddwa omulabirizi wa West Buganda, Bp Henry Katumba Tamale eyayogedde ku Ssekadde ng’omusajja eyali ayogera ekimuli ku mutima.
Abantu ab’enjawulo baayogedde ku mulabirizi Ssekadde ebintu eby’enjawulo n’omukululo gwalese mubulabirizi nga kumpi abawule abasinga bayise mu mikono gye.
Nnamwandu w’omugenzi, Allen Ssekadde yayogedde ku ssaawa ezaasembyeyo ne bba mweyagambidde nti bba yatabuse ku ssaawa 3;oo ez’ekiro era nebagezaako kyoonna kyebasobola okutaasa obulamu kyokka nekigaana.
Abakungubazi nga bateeka ekimuli ku kkeesi y'omugenzi
Ebbaluwa y’eddwaliro e Mulago yalaze nti ekyasse omugenzi mutima kwesiba era wano omulabirizi w’e Namirembe Moses Banja weyasambajjidde ebibadde biyitingana nti yagudde mu kinaabiro.
Ssekadde agenda kuziikibwa enkya ku Lwokuna ku Lutikko e Namirembe ku ssaawa 8;oo ez’olweggulo. Wagenda kusokawo okusaba ku ssaawa 4;oo okugenda okuberamu ne ssabalabirizi w’ekkanisa ya Uganda Dr Stephen Kazimba Mugalu.