ABANTU basatu bafiiridde mu kabenje e Kapchorwa
ABANTU basatu b afiiridde mu kabenje akaguddewo leero n'abalala ne baweebwa ebitanda nga bali mu mbeera mbi.
ABANTU basatu bafiiridde mu kabenje e Kapchorwa
ABANTU basatu b afiiridde mu kabenje akaguddewo leero n'abalala ne baweebwa ebitanda nga bali mu mbeera mbi.
Abafudde, kuliko Sulaiman Kainawanga dereeva wa Pro box nnamba UAN 943 G, Micheal Akuson ng'abadde atambulira mu mmotoka y'emu ne David Salim nga naye abadde mu eyo emmotoka.
Akabenje kagudde ku Kabuga k'e Sarajevo ku luguudo oluva e Muyembe okudda e Kapchorwa mu disitulikiti y'e Bulambuli.
Kigambibwa nti emmotoka Pro box nnamba UAN 943G etomereganye n'endala nnamba UBR 580 B ekika kya Drone omubadde abawagizi bomu ku beesimbyewo.
Omwogezi wa poliisi e Mbale, Rogers Taitika, agambye nti Drone ebadde eva Kapchorwa nga mulimu abawagizi ba Hon. fadil Twala owa Tingey County e Kapchorwa n'etomeregana ne Pro box ebadde eva Nabongo.
Agasseeko nti emmotoka zombi, zitwaliddwa ku poliisi e Bulambuli okuzekebejja so ng'emirambo gy'abasatu, gitwaliddwa mu ggwanika e Mbale ng'okunoonyereza ku genda mu maaso.