Ow'e Kawanda awangudde pikipiki mu kalulu ga Gabula akasoose okukwatibwa leero

James Lubega ow’e Kawanda,Wakiso ye nnamukisa asoose okuwangula pikipiki mu kalulu ga Gabula Ssekukkulu ‘Sadida’ akasoose okukwatibwa leero mu pulogulaamu Ekyenya ku Bukedde TV1.

Pikipiki ekika kya Senke okuva mu Dura Motors mu Ndeeba, y’ewanguddwa. Gabula ssekukkulu ‘Sadida’ ak’olupapula lwa Bukedde, abasomi baalwo mwe bayita okwewangulira ebyassava bya ssekukkulu n’ebirabo ebirala.

Sirage Kizito , Micheal Mukasa Ssebowa Akulira Olupapula Lwa Bukedde Ne Bruce Byarunga Akulira Okutunda Amawulire Mu Vision Group Nga Balonda Akalulu.

Akalulu kakwatiddwa akulira Olupapula lwa Bukedde, Micheal Mukasa Ssebowa, avunaanyizibwa ku kusaasaanya n’okutunda empapula z’amawulire eza Vision Group, ssaako Siraje Kizito, omuweereza mu pulogulaamu y’Ekyenkya.

Bannamukisa abalala 21 basimbukidde mu kitereke kya Bukedde (hamper) era bano kuliko ; Manga Emmanuel ow'e Soroti , Musaazi Christopher ow'e Mpereerwe, Basalirwa Arayat abeera e Wandegeya, Naluwugge Resty ow'e Masaka Kijjabwemi, Aliyi Kiuyo owa Mbale City, Kakande Vincent, abeera e Bulenga, Kiberu Shaban ow'e Kabalagala ne Ssemiyingo John ng'abeera Namasuba.

Mu balala mulimu ; Nakibira Margret ow'e Nansana, Nakitende Teddy     abeera Kyanja, Ssemuddu Robert ow'e Gulamu-Seeta, Byekwaso Mathias ow'e  Mbarara City, Mweru Nathan ow'e Nsambya, Yiga Aidany ow'e Lyantonde.

Micheal Mukasa Ssebowa ng'aliko nnamukisa gw'asoma.

Abalala era kuliko, Kisiriko Ali ow'e Lungujja-Busega, Abdul Aziz Baguma        owa Fortportal City, Namatovu Mariam ow'e Kibiri Busabaala Road, Nsubuga Muhamad owa Luwero, Kayondo Vincent ow'e Nakisunga, Ssemakula Paul ow'e Nakifuma ne Nambogga Agnes Aisha ow'oku Katale.     

Akalulu akalala kagenda kukwatibwa nga December 20, abawanguzi mwe bagenda okuwangulira ekikapu ky’ebyassava omuli enkoko, omuceere, butto, soda, enkota y’ettooke luvvokwaya , Tuk Tuk bbiri ne ppikippiki.

Enteekateeka ya Gabula Ssekukkulu omwaka guno ewagiddwa Dura Motors, abakuleetera ppikipiki ekika kya Senke ne Tuk Tuk Zongshen era abaawaddeyo Tuk Tuk ez’okuwangulwa, Uga Chick abaawaddeyo enkoko kabeddwa ey’abawanguzi gye bagenda okufumba ku ssekukkulu, Governors Hotel Ltd e Mukono abagenda okusuza abawanguzi bataano n’abaagalwa baabwe ebiro bibiri mu woteeri eno.