Bannamukisa ba Bukedde bawangudde eby'essava bya Sekukkulu

ABASOMI ba Bukedde bawangudde ebirabo n’ebyassava bya Ssekukkulu mu kazannyo aka Gabula Ssekukkulu Sadida mu kalulu akaakwatiddwa leero mu pulogulamu Ekyenkya ku Bukedde TV1.
Jackie Namanda ow’e Muyenga ne Paul Nsubuga ow’e Lyantonde be bannamukisa abasitukidde mu Tuk Tuk za Zongeshen okuva mu Dura Motors mu Ndeeba.
Pikiki ebiri zaawangulwa Samuel Minsavu ow’e Nateete mu katale ne James Lubega ow’e Kawanda- Wakiso.
Akalulu kakwatiddwa Micheal Mukasa Ssebbowa omukunga’aanya w’olupapula lwa Bukedde, Bruce Micheal Byaruhanga,avunaayizibwa ku kutunda n’okusasaanya empapula z’amawulire eza Visio Group, Gilbert Luyondo kitunzi wa Dura Motors, Hurry Mugisha kitunzi wa Chint Uganda, Agaba Atwibu kitunzi wa Governors’ Hotel e Mukono ne Sirage Kizito akola pulogulamu Ekyenkya.
 Bannamukisa 58 bebawangudde ekitereke ky’ebyassava bya ssekukkulu omuli enkoko ya Ugachick n’ekalonda yenna omulala mu kalulu akakwatiddwa eggulo.
Bano beegassse ku bannamukisa 42 abasooka okuwangula mu bululu obuzze bukwatibwa ne baweza omuwendo gwa bawanguzi 100 abagenda okufuna ekikapu ky’ebyassava bya Ssekukkulu.
Abawanguzi abalala 5 bawangudde okugenda ku woteeri ya Governor’s e Mukono n’abagalwa bawe okumala ebiro bibiri okwo saako okulambuzibwa ekibuga Jinja.
Ku bano kuliko; Mark Namutete ow’e Kitututwe -Kira, Ismail Kisitu ow’e Kireka, Dennis Kaddu ow’e Kyanyanya QZ, Leonard Magembe owe Bweyogerere ne Saddam Lubega ow’e Katale Jomayi.
Ssebbowa ategeezezza nti abanguzi bonna baakukwasibwa ebirabo byabwe ku Mmande nga December 23 ku kitebe kya Vision Group mu industrial area evunaanyizibwa ne ku Bukedde.
Ayozaayozezza abawanguzi era nasiima abavujjirizi baffe okuba aba Dura Motors mu Ndeeba, Governors Hotel e Mukono, Ugachick Poultry Bleeders e Magigye ne Chint Uganda.
 Agaba Atwibu kitunzi wa Governor’s e Mukono alaze essanyu olwokubanga batambudde ne Bukedde mu nteekateeka y’omwaka guno ey’okuddiza ku bantu era n’agamba nti bamaze okwetegeka okulaba nga baaniriza abawanguzi n’okubayisa mu ngeri esiingayo okuba ennungi.
Kitunzi wa Dura Motors mu Ndeeba, Gilbert Luyondo, ayozayozezza abawanguzi era nakunga abantu okugenda ku kitebe kyabwe mu Ndeeba babawagire kubanga balina ebirungi bingi okuli n’ekika kya Tuk Tuku ez’amasanyalaze zebaakaleeta ku katale. Asiimye Bukedde olw’okubagatta mu nteekateeka eno nabo ne bafuna omukisa okuddiza ku bakasitoma babwe nga bali wamu ne kkampuni ggaggadde.
Hurry Mugisha Kitunzi wa Chit Uganda alambuludde ku nsonga lwaki baasazeewo okwegatta ku Bukedde n’ategeeza nti Bannayuganda babawagidde ebanga nga kiba kyabuvunaanyizibwa okubaddiza era n’asaba abantu okugenda babakyalire ko kuttabi lyabwe ekkulu mu Industrial area ne ku matabi gabwe amalala gonna mu ggangwa babawe ekisinga