Museveni atadde obuwumbi 5 mu SACCO y’abayimbi

PULEZIDENTI Yoweri Kaguta Museveni, atadde obuwumbi 5 mu SACCO y’abayimbi
ey’ekibiina kya Uganda Muscians Federation n’abakuutira okukolerera obukadde bwabwe era beewale okukozesa ebiragalalagalaObubaka yabutisse minisita w’abaana n’abavubuka Balaam Barugahara, eyabutuusizza ng’ali mu kivvulu kya Catherine
Kusaasira ekyabaddewo ku Lwokutaano.

Kusaasira, yakikubidde mu bimuli bya wooteeri ya Sheraton mu Kampala era yasombodde abanene omulibannabyabufuzi nga Minisita wa Kampala Hajjati Minsa Kabanda, abagagga okuli Godfrey Kirumira. Balaam yakwasizza
Kusaasira ceeke ya bukadde 30 olwo ne Minisita Minsa Kabanda naye n’awaayo obukadde
30 okuva ewa Katikkiro wa Uganda, Robinah Nabbanja ataabaddewoku siteegi, Kusaasira yasookedde ku nnyimba ze okwabadde; Poko Poko, Nalaalira, Swwiiti wange, Enkola ya takisi, Taata baby  n’endala ezaacamudde abadigize.
Abalala abaayimbidde abantu kwabaddeko; Jamie Culture, Ronald Mayinja, Mariam Ndagire, Betty Mpologoma, Sophia Nantongo, Mesach Ssemakula,  Moureen Nantume, Haruna Mubiru n’abalala.