Abasawo b’ekinnansi bafeze dokita w’e Mulago

ABEEYITA abasawo b’ekinnansi bakutte Dokita w’e Kawempe obujega ne bamulimba okumunaazaako ebisiraani okukkakkana nga bamutunzizza poloti ye obukadde 40 n’emmotoka kyokka nazo ne bazimubbako oluvannyuma lw’okumukuba kalifoomu
ng’awunze!
Dr. Miria Ibanda akola gwa kulongoosa bantu mu ddwaaliro lya Kawempe National referral, y’asangiddwa mu maka ge ng’alaajana olw’abafere abaamufumbye obwongo ne bamuggyako ssente mu linnya ly’okuzisabira ewa gwe baayita sseeka.
Bwe yabadde awayaamu ne Bukedde, Dr. Ibanda bakira anyumya nga bw’ayunguka n’amaziga ng’ajjukira abasajja lwe baamunywesa sooda alimu kalifoomu ne bamubba obukadde 40 ze yali atambudde nazo mu kikapu ng’azitwalira ‘Sseeka’ okuziwa omukisa.
Anyumya nti, mu November wa 2024 yalinamu ekizibu kya ssente nga mutabani we asoma obusawo ku Yunivasite emu mu
Kampala yeetaaga obukadde 29 okweyongerayo era n’afuna ekirowoozo ky’okutunda emmotoka ye asondereze mpola okutuuka ku ky’ayagala.
Agamba gwe yalaba agigulaate yamujereegerera nga mu mmotoka gye yali ayagalamu obukadde 15 oli yali amuwa obukadde mukaaga wabula n’amuwa ekirowoozombu yeewole ssente.
Waayitawo akaseera katono ne wabaawo amukubira essimu nti ayagala kugula mmotoka
eno n’amulagirira gye yali agirese mu ba mmanelenda abaamuwola ssente kyokka
ono eyajja okugula mmotoka n’amusaba okugendako ewa sseeka okufunayo emikisa.
Bwe baatuukayo, sseeka yamutegeeza
nga bw’ayagala okumuyamba wabula n’amutegeeza okutunda emmotoka kyokka sikyakumalawo bizibu, n’amusomeramu nti waakiri atunde ku poloti ye bino byonna
okuggwa.
Yamutegeeza nti ye ‘sseeka’ waakumufunira n’abaguzi basatu kw’anaalonda alina  ebbeeyi ennene.
Agamba nti baasigaza mmotoka ye kyokka nga tewannayita wadde na wiiki, yalaba obubaka ku ssimu okuva mu URA obusoma nti ate evudde mu mannya ge okugenda
mu g’omulala kye yeewuunya.
Oluvannyuma baatandika okulambula poloti ye era ne kubaako ne gwe yakkaanya naye ku bukadde  35. Olwali okuzifuna, Dr. Ibanda n’aziggyako ku akawunta n’akwata
ne ku z’ekikazi okuweza obukadde 40 n’aziteeka mu kisawo olwo n’afuna bobaboda okudduka okusasula ebisale by’essomero.
Baalinga abaakitegedde nti ono afunye ssente era aba akyali ku
booda n’afuna essimu okuva ewa
sseeka ng’amugamba okusooka
okuyitirako ewuwe e Nakuwadde
bamusabire nga tannazikozesa.
Eno gye yasanga
abasajja
bulijjo abamufera
nga
banywa ka
sooda naye
ne bamuwa
akake anyweko.
Omusawo
agamba nti
awo we
yakoma
okutegeera
okutuusa
enkeera ate ng’ali Mpererwe olwo
n’addukira mu boobuyinza okumutaasa.
Poliisi yatandika omuyiggo
gw’abafere era ne bakwatako
babiri Robert Wako ne David
Ssonko oluvannyuma abasimbiddwa
mu kkooti y’omulamuzi Frank
Kwesigabo e Wakiso abasomedde
ogw’okwekobaana n’okubba nga
bakozesa ebiragalalagala.
Mu kkooti tebakkiriziddwa
kubaako ne kye boogera
olw’okuba egibavunaanibwa gya
naggomola era baansindikiddwa
mu kkomera e Luzira okutuusa
nga February 20, 2025 lwe
banadda okulaba oludda oluwaabi
we lutuuse mu kunoonyereza.
Dr. Ibanda agamba ayagala
bwenkanya ku bintu bye
olw’okuba n’abaamubba bajja
ne boonoona ekikomera
ky’ennyumba ye nga bagamba
baagulawo. Ono era yategeezezza
nti akyafuna n’okutiisibwatiisibwa
okuva eri abatannakwatibwa
n’asaba okuyambibwa