Amaka g'obwa Pulezidenti gatandise kaweefube w'okuggya abantu mu bwavu

Mukawefube w'okulwanyisa obwavu mu Bannayuganda amaka g'omukulembeze we ggwanga nga gayita mu kitongole ki poverty alleviation department (PAD) nga kino kilwanyisa obwavu okuyita mu bulimi n'obulunzi batwaliidde abatuuze  be Bugadde model village mu disitulikiti ye Mayuge embizzi  okubayambako okwekulakulanya.

Zino zibakwasiddwa omuyambi wa pulezidenti ow'enjawulo mu kitongole kino (PAD) Lydia Balemezi nga ono abakutidde okulabirira ensolo zino obulungi basobole okuziganyulwamu ate baleme kuzitunda nabategeza nti bajja kubalambula okulaba engeri gyebazikutemu nga era tebakomye kubawa mbizzi zoka nga bakubawa ensolo endala omuli ente,embuzi sako ebireme okuli amatooke ne birara nga bwalambulula. 

Ono era akubirizza abalimi okweyunira ennima ey'omulembe ey'okufukirira basobole okuganyulwa mu birime byabwe nadala mu biseera  nga bino eby'kyeya nga akasana kememula buli lukya.

Ye Kansala akiikirira ekitundu kino ku tawuni kanso ye Bugade Monica Gonza Mulembe asiimye  ab'ekitongole kya PAD olw'okutusa enkulakulana eno ku kitundu kyabwe n'abasaba okubongera ebintu ebirara kuba ekitundu kyabwe kibadde kisigalidde mabega muby'enkulakulana nategeza nti kino ekikoledwa kyakubayambako okwejja mubwavu naddala abavubuka engeri gyebatalekedwa mabega. 

Ate ye field officer w'ekitundu kino Moses Iduli abasabye okuzimba ebiyumba eby'omulembe mwebanalunduli ensolo zino era nebweziba zifunye obuzibu babategezeko babafunire abasawo abakugu obijanjaba era nabasaba bwebiba bizadde bagabireko banabwe nga bweri enkola y'ekitongole buli muntu okuganyulwa.

Bbo abamu ku batuze abafunye ensolo zino basiimye pulezidenti Museveni wamu ne kitongole kya PAD olw'okubadukirira nga bategezeza nti kino kyakubayamba okwekulakulanya.