Poliisi ekutte agambibwa okuyiira muggya we asidi

POLIISI y’e Kawolo mu Luganzi ekutte omukazi Patience Asiimwe agambibwa okuyiira muggya we, Lilian Adiru asidi.

Bino byabaddewo mu kiro ekyakeesezza Olwokuna ku kyalo Nakazadde ekiri mu Lugazi Central Division, Lugazi munisipaali mu Disitulikiti y’e Buikwe nga bagamba nti mu kiro ekyakeesezza Olwokuna baafulumye enju zaabwe kipayoppayo olwa munnaabwe eyabadde abuna emiwabo nga bw’akuba enduulu kubanga yabadde ayiiriddwa asidi.

Oluvannyuma lw’okuddusa Adiru mu kalwaliro ka Community Medical Centre poliisi y’e Kawolo yazze n’emuggyawo n’emutwala mu ddwaaliro ekkulu e Kawolo nayo gye baamuggye okumwongerayo e Kiruddu mu Kampala.
Enkeera poliisi y’e Kawolo yalondodde Asiimwe n’emukwata.
Adiru 26, alumiriz  nti muggya we Asiimwe yamulumbye ku kazigo kaabwe
ne bba, Cyprian Onyango omuvuzi wa loole z’ebikajjo ku ssaawa nga 2:00 ez’ekiro
n’akonkona era olwagguddewo n’amuyiira kye yasoose okulowooza nti mazzi gookya.
,   u kiseera ekyo bba, Onyango yabadde yaakamusiibula ng’adda ewa Asiimwe.
Omwogezi wa Poliisi mu kitundu kya Ssezibwa Hellen Butoto akakasizza ebyabaddewo
n’agamba nti Asiimwe yagguddwaako ogw’okugezaako okutta omuntu.